ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1970)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌ / ແສນສັກດາ ປ້ອງພິມຄຳ
(ເວົ້າ)
ສຸດທີ່ຮັກ ເວລານີ້ເຈົ້າຢູ່ໃສ ແລະກໍຢູ່ຈັ່ງໃດ
ຈື່ໄດ້ບໍ່ ຄືນນຶ່ງ ທີ່ເຮົາພົບກັນ…
1) ຄືນນັ້ນ ຢູ່ເງົາແສງຈັນໃສສ່ອງ
ເຮົາສອງ ຄຽງຄູ່ປຣະຄອງຊຶ້ງໃຈ
2) ຄືນນັ້ນ ຫວັງວ່ານ້ອງນັ້ນຈຳໄດ້
ວ່າໃຜ ອິງແອບແນບກາຍຈົນຂ້ອນຄືນ
• ຈະຮັກກັນຈົນຊົ່ວຟ້າ ສັນຍາບໍ່ຂໍລືມເຈົ້າ
ຮັກເຮົາ ບໍ່ເຫງົາຂົມຂື່ນ
ເຮົາສອງເປັນຄູ່ດວງໃຈ ຮັກໃດຄົງບໍ່ຫອມລື່ນ
ບໍ່ຫວານບໍ່ຊື່ນ ບໍ່ຍືນເໝືອນເຮົາ
3) ຄືນນີ້ ສຸດແສນໂສກີໝອງເສົ້າ
ຂາດເຈົ້າ ຈຶ່ງເຝົ້າຣະທົມຕຣົມອຸຣາ
ໂອ້…ໂອ… ໂອ້…ໂອ…
ໂອ້…ໂອ… ໂອ້…ໂອ…
