ເນື້ອຮ້ອງ & ທຳນອງ : ມ. ເມືອງໃຕ້ (?) ສນອງ ອຸ່ນວົງ (?) (~1970)
ນັກຮ້ອງຕົ້ນສະບັບ : ກ. ພະນົມວັນ
1) ເມື່ອເຢືອນເຖິງຖິ່ນ ຜືນດິນຖິ່ນແຄວ້ນແດນໄກ
ປາກເຊສວຍຈັບໃຈ ຣຶທັຍໜັກໜາ
ພູບາຈຽງ ສວຍເດັ່ນຕັ້ງສູງສງ່າ
ຍາມຂ້າໄດ້ມາ ເຫັນແລ້ວພາໃຈສຸກສັນ
2) ເມື່ອໄດ້ມາຢູ່ ເໝືອນເປັນບຸນຂ້ານ້ອມນຳ
ປາກເຊສວຍສຸດລໍ້າ ດັ່ງເມືອງສວັນ
ພູມະໂລງ ຢູ່ທາງກໍ້າຝ່າຍຂວານັ້ນ
ເລົ່າເປັນນິທານ ສູ່ກັນຟັງມາຕັ້ງຫຼາຍປີ
• ນາງມະໂລງ ສັກສູງສົ່ງງາມໂສພາ
ບາຈຽງຈຶ່ງປຣາຖນາ ຫວັງໄດ້ນາງມາເປັນຂວັນຊີວີ
ແຫ່ຂັນໝາກມາ ຮອດເມືອງຄັນເກິ່ງພໍດີ
ໄດ້ຂ່າວມະໂລງໂຕນໜີ ຊໍ້າຣຶດີຂ້າຕົວຕາຍ
3) ນໍ້າເຊໄຫຼຫຼັ່ງ ຫົນທາງແຫ່ງສາຍທາຣາ
ປາກເຊສວຍງາມຕາ ໃຈຂ້າໝັ້ນໝາຍ
ສາວປາກເຊ ສເນຊາບຊຶ້ງຕຣຶງໃຈ
ຂ້າຂໍຝາກໃຈ ຄຽງຄູ່ຊາມວັຍນ້ອງຄົນດີ…
