ເນື້ອຮ້ອງ & ທຳນອງ : ຄຳແຫວນ ປ້ອງພິມຄຳ & ສີລາວົງ ແກ້ວ (1968)
ນັກຮ້ອງຕົ້ນສະບັບ : ແສນສັກດາ
1) ຄິດເຖິງທ່າເດື່ອ ເມື່ອຍາມຈາກມາ
ມີທັງນໍ້າຕາ ອຸຣາສະອື້ນອ່ອນໃຈ
ທົບທວນ ຄໍ່າຄວນເພາະຢູ່ຫ່າງໄກ
ແສນເສົ້າຣຶທັຍ ສຸດອາລັຍເຖິງຂວັນຕາ
2) ຄິດເຖິງເຮົາສອງ ນັ່ງມອງນໍ້າໄຫຼ
ແສນເພີນສຸກໃຈ ທີ່ໄດ້ຄູ່ຄຽງຂວັນຕາ
ສາຍລົມ ໂບກໂບຍໂຊຍແຜ່ວພັດມາ
ຊາບຊຶ້ງຕຣຶງຕາ ຊັກພາໃຫ້ໃຈໃຝ່ຝັນ
• ຄ້ອຍຄໍ່າ ນໍ້າໄຫຼລົງສູ່ເວີນວັງ
ຮິມສອງຟາກຝັ່ງ ຊ່າງງາມດັ່ງແດນສວັນ
ເມື່ອແລມອງ ພາໃຫ້ສອງເຮົາສຸກສັນ
ໂອ້ຈອມຂວັນ ພາບນັ້ນອ້າຍຍັງຈຳໄດ້
3) ຄິດເຖິງທ່າເດື່ອ ເມື່ອຍາມຈາກມາ
ແສນເສົ້າໜັກໜາ ດັ່ງຟ້າຜ່າລົງຫົວໃຈ
ຄິດມາ ນໍ້າຕາອ້າຍຫຼັ່ງລິນໄຫຼ
ບໍ່ຢາກຫ່າງໄກ ສຸດອາລັຍສຸດຄໍ່າຄວນ…