ເນື້ອຮ້ອງ & ທຳນອງ : ສນອງ ອຸ່ນວົງ (1970)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ
1) ບໍ່ຢາກມີ ມໍ ຄຳວ່າສຣະ ເອັຽ
ບໍ່ຢາກມີເມັຽ ມາເປັນເຈົ້າຫົວໃຈ
ງາມດັ່ງນາງຟ້າ ລູກເສດຖີລວຍໃຫຍ່
ບໍ່ຂໍສົນໃຈ ຍ້ອນບໍ່ຢາກມີເມັຽ…
2) ຂ້ອຍຢູ່ຄົນດຽວ ນີ້ສຸກໃຈເສັຽຈິງ
ເວົ້າເຣື່ອງຜູ່ຍິງ ພາໃຈຂ້ອຍອ່ອນເພັຽ
ໃຜຢາກມີທຸກ ອຸກເອົ້າຈົ່ງມີເມັຽ
ໄປຫຼິ້ນໄພ້ເສັຽ ຣະວັງເມັຽຊິບິດຫູ…
• ມີເມັຽນີ້ ແສນລຳບາກ
ຍາມທຸກຍາມຍາກ ດ່າມຶງໆ ກູໆ
ຫາກມີເມັຽນ້ອຍ ສຽງປ້ອຍກ້ອງຫູ
ຄິດແລ້ວຄິດດູ ຢູ່ຜູ່ດຽວສະບາຍ…
3) ຂ້ອຍຢາກມີ ງໍ ຄຳວ່າສຣະ ເອິນ
ຂ້ອຍຢາກມີເງິນ ຢ່າງເຫຼືອລົ້ນມາກມາຍ
ບໍ່ຢາກມີເມັຽ ມາຮ່ວມໝອນຄຽງກາຍ
ຢາກຢູ່ດຽວດາຍ ຄົງສຸກສະບາຍຈິງເອີຍ…
