ເນື້ອຮ້ອງ & ທຳນອງ : ພົມມະ ພິມມະສອນ (1966)
ນັກຮ້ອງຕົ້ນສະບັບ : ພົມມະ ພິມມະສອນ

1) ວັນນີ້ ວັນດີປີໃໝ່
ເຮົາມາອວຍຊັຍ ໃຫ້ສຸກສຳຣານ
ຊ່ວຍສ້າງແດນນີ້ ໃຫ້ເປັນແດນສວັນ (ຊໍ້າ)
ມາຟ້ອນລຳກັນ ສລອງວັນປີໃໝ່…

2) ຄວາມທຸກ ທີ່ເຄີຍປຣະສົບ
ຈົ່ງຢ່າໄດ້ພົບ ພານອີກຕໍ່ໄປ
ໝົດສິ້ນໄປເສັຽ ສິ່ງທີ່ເສົ້າໝອງໃຈ (ຊໍ້າ)
ຄວາມສີວິໄລ ຈົ່ງໄດ້ມາແທນທີ່…

• ເຮຮາ ຫົວຍິ້ມ ເພື່ອນເອີຍ
ຢ່າໂສກໄປເລີຍ ຄັ້ງດຽວນຶ່ງປີ
ວັນນີ້ ໂຊກງາມຍາມດີ (ຊໍ້າ)
ເຮົາມາສວັສດີ ສວັສດີປີໃໝ່…

3) ຫາກໃຜ ເຈັບຊໍ້າຂົມຂື່ນ
ກໍຈົ່ງຄາຍຄືນ ຊື່ນສຸກຕໍ່ໄປ
ຫາກໃຜສຸກແລ້ວ ກໍຢ່າແຄ້ວຄາດໄປ (ຊໍ້າ)
ເຮົາຂໍອວຍຊັຍ ໃຫ້ທຸກທ່ານໂຊກດີ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ຜູ່ຍິງຜູ່ຍິງ ເກີດມາເຮັດຫຍັງ
ເກີດມາຮົກທາງ ຮົກໂລກແຈ່ມໃສ
ເກີດມາເພື່ອສ້າງ ຄວາມແຄ້ນ
ປະທັບໄວ້ກາງ ແກ່ນໃຈ
ແດ່ພວກຜູ່ຊາຍ ຫຼາຍໜ້າ

2) ຜູ່ຍິງຜູ່ຍິງ ເກີດມາເຮັດຫຍັງ
ເກີດມາຫາທາງ ໃຊ້ເລ່ມານຍາ
ຜູ່ຊາຍຕ້ອງສິ້ນ ລາຍສິງ
ພ່າຍແພ້ຜູ່ຍິງ ຕລອດມາ
ໝອບແທບບາທາ ທຸກລາຍ

• ຜູ່ຍິງຜູ່ຍິງ ຍິງມີທຸກສິ່ງເຍົ້າໃຈ
ແຕ່ສິ່ງເຫຼົ່ານັ້ນ ກໍລ້ວນເພີງໄຟ
ເທພເຈົ້າອົງໃດ ເສກສັນຍິງມາ

3) ຜູ່ຍິງຜູ່ຍິງ ເກີດມາເຮັດຫຍັງ
ເກີດມາຮົກທາງ ຮົກແຜ່ນສຸທາ
ຫາກຍາມໃດສິ້ນ ຜູ່ຍິງ
ສາບສູນແມ່ຍິງ ມານຍາ
ໂລກຄົງສຸຂາ ເສັຽທີ…

ເນື້ອຮ້ອງ & ທຳນອງ : ບຸນທັມ ສຼີພຣົຫມໄຊຍ໌ (1969)
ນັກຮ້ອງຕົ້ນສະບັບ : ກ. ວິເສດ

1) ນົກເອີຍນົກເຂົາ ຂອງເຮົາເກົ່າກ່ອນ
ເຈົ້າພາກຈາກຄອນ ຫຼົງຄູ່ໄປຢູ່ແຫ່ງໃດ
ເຈົ້າຖືກລໍ້ລວງຕິດບ້ວງພານ ຫຼືຜູກສັມພັນຄອງຄູ່ໃໝ່
ຈຶ່ງຫຼົງລືມໄລ ບ່ອນເຄີຍສຸກສັນ

2) ນ້ອງເອີຍນ້ອງນາງ ເຄີຍຄຽງຂ້າງຢູ່
ກ່ອນເຄີຍຊື່ນຊູ ພົບຄູ່ໃໝ່ປ່ຽນແປຜັນ
ເຈົ້າລືມຣົດຮັກທີ່ດື່ມດໍ່າ ເຈົ້າລືມນໍ້າຄຳເຄີຍຍຶດໝັ້ນ
ຮ່ວມອະທິຖານ ຮັກກັນຈົນຕາຍ

• ຖິ່ນກ່ອນຄອນເກົ່າ ທີ່ເຈົ້າເຄີຍນອນ
ເຫຼືອເປັນອະນຸສອນ ແຫ່ງຄວາມຫຼັງເຕືອນໃຈ
ເຫັນຊາກໝອນຮ້າງທີ່ນາງໜຸນ ຫອມກິ່ນເນື້ອອຸ່ນຍັງຈຳໄດ້
ເຄີຍຈູບລູບໄລ້ ນວນນາງ

3) ນ້ອງເອີຍນ້ອງນ້ອຍ ຂ້າຄອຍເຈົ້າຢູ່
ກັບເຖີດຍອດຊູ້ ຂ້າຢູ່ໂດດດ່ຽວອ້າງຫວ້າງ
ແມ່ນເຈົ້າຫຼົງເດີນທາງຜິດໄປ ຈົ່ງຫັກຫົວໃຈເດີ້ນ້ອງນາງ
ຖິ່ນກ່ອນຄອນຫຼັງ ຍັງຄອງຍັງຄອຍ…

ເນື້ອຮ້ອງ & ທຳນອງ : ບຸນທັມ ສຼີພຣົຫມໄຊຍ໌ (2017)
ນັກຮ້ອງຕົ້ນສະບັບ : ຈັນຫອມ ປັນຈະພາຣົມຍ໌

1) ນົກເອີຍນົກເຂົາ ເຄີຍເນົາຄຽງຄູ່
ແຂ່ງກັນຂັນຄູ ມຸ່ງສູ່ແຜ່ນດິນຖິ່ນໄກ
ຝັນສ້າງວິມານອັນຣື່ນຣົມ ຕາມຄຳນິຍົມສັງຄົມໃໝ່
ແຕ່ຝັນມະລາຍ ກັບກາຍເປັນອື່ນ…

2) ນົກນ້ອຍພາກຮັງ ລຳພັງໂດດດ່ຽວ
ຂາດຄູ່ແລຫຼຽວ ໂນ້ມໜ່ຽວຈິດໃຈອວ່າຍຄືນ
ບິນເວີ່ນເຫີນລອຍເລີຍຫຼົງທາງ ຕົກຫຼົ່ມຂຸມພາງພາຂົມຂື່ນ
ປີກຫັກຈຳຝືນ ສູ້ບືນຟັນຝ່າ…

• ເຣື່ອງເກົ່າຂ່າວລື ໂລກຄືລະຄອນ
ຖືເປັນອຸທາຫອນ ບົດຮຽນສອນມານຍາ
ຮັກໃໝ່ລວງລໍ້ໃຫ້ລຸ່ມຫຼົງ ຮັກເກົ່າໝັ້ນຄົງມີຣາຄາ
ຄວນຄ່າຣະລຶກ ນຶກເຖິງກັນ…

3) ຟ້າຮ້ອງຝົນຮຳ ຍາມເມື່ອເດືອນຫົກ
ອຸ່ນອາຍອ້ອມອົກ ທີ່ກົກກະເດົາຄາວນັ້ນ
ສຽງສັ່ງຍັງຄົງສະກິດເຕືອນ ມິອາດລົບເລືອນລືມຄຳໝັ້ນ
ສື່ເພງກ່ອມຂວັນ ນົກເຂົາຄືນຮັງ…

* ເມກສວ່າງຝົນຊາຟ້າເລີ່ມສາງ ສວາດມິວາງຍັງຈຳໝັ້ນ
ຫັກໃຈກັບຫັນ ຫວນຄືນຮັງເກົ່າ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌

1) ທ່ານເກີດວັນນີ້ ຂໍຈົ່ງມີ ຣາສີໃສສ່ອງ
ຢ່າໝົ່ນໝອງ ໃຫ້ຄອງສຸກ ຕລອດຊີວີ
ອັນໂຣຄາ ໂພຍພັຍ ຢ່າໄດ້ມີ
ຈົ່ງສຸຂີ ສຸຂີ ສົມປຣາຖນາ

• ມະໂນນຶກ ສິ່ງໃດ ໃນໂລກນີ້
ຈົ່ງໄດ້ມີ ສົມພອນ ທີ່ວອນວ່າ
ກຽດຕິຍົດ ຊື່ສຽງ ກ້ອງໂລກາ
ເຮືອງອຳນາດ ວາສນາ ໄຫຼມາກອງ

2) ທ່ານເກີດວັນນີ້ ເປັນວັນດີ ອະມຸດຕະໂຊກ
ຢ່າມີທຸກ ແລະມີໂສກ ເສົ້າໝົ່ນໝອງ
ອັນເງິນຄຳ ມາກມາຍ ຫຼາຍກ່າຍກອງ
ຢ່າມີມາຣ ໄຕ່ຕ້ອງ ຕລອດການ…

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (1968)
ນັກຮ້ອງຕົ້ນສະບັບ : ກອບແກ້ວ ປ່ຽມມະໄລ

1) ແກ່ນ… ນະຄອນ
ດັ່ງຄອນຄົງຊຶ້ງ ຕຣຶງໃຈໝັ້ນ
ທັມມະຊາດສົດສວຍ ທົ່ວຖິ່ນສະຖານ
ແລລ້ວນສຳຣານ ວິມານເມືອງແມນ…

2) ແກ່ນ… ນະຄອນ
ດັ່ງມີມົນຂັງ ຝັງໃຈໝັ້ນແກ່ນ
ຊົ່ວຍາມທ່ຽວເດີນ ເພີດເພີນສຸດແສນ
ບໍ່ຢາກຈາກແຄວ້ນ ແຫ່ງຄວາມພິຣົມ…

• ຄົນມີນໍ້າໃຈ ໄມຕຣີ
ໂອບເອື້ອອາຣີ ໜ້ານິຍົມ
ດອກໄມ້ແກ່ນນະຄອນ ຫອມຫວນຊວນຊົມ
ຢາກເດັດຢາກດົມ ຫວ່າງກາງແກ່ນໃຈ…

3) ແກ່ນ… ນະຄອນ
ຄົງມີວັນຢ້ອນ ຫວນຄືນມາໃໝ່
ຫັກຫ້າມໃຈລາ ດ້ວຍຄວາມອາລັຍ
ບໍ່ຢາກຈາກໄກ ແກ່ນນະຄອນເອີຍ…

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (1970)
ນັກຮ້ອງຕົ້ນສະບັບ : ສົມລິຕ ພັນນະວົງສ໌

1) ເທພີ ລຸ່ມລຳນໍ້າຂອງ
ສຽງຊ່າລືກ້ອງ ນ້ອງນາງໂສພາ
ຍາມຍ່າງຍ້າຍ ສງ່ຽມກາຍທີທ່າ
ສວຍສງ່າ ກວ່າຍິງແດນໃດ…

2) ງາມຈິງ ຍອດຍິງງາມສົມ
ໃຜເຫັນນິຍົມ ຍ້ອງຊົມທົ່ວໄປ
ປຽບນາງຫົງ ຊວດຊົງວິໄລ
ຜຸດຜ່ອງຍ່ອງໃຍ ຫາຍິງໃດປຽບປານ…

• ງາມ… ຕາມທັມມະຊາດ
ທັງມາຣະຍາດ ແສນອ່ອນຫວານ
ງາມ… ຊຶ້ງໃນດວງມານ
ຈິດໃຈສະທ້ານ ຍາມເຈົ້າສົ່ງຍິ້ມມາ…

3) ເທພີ ລຸ່ມລຳນໍ້າຂອງ
ຜິວເນື້ອນວນຜ່ອງ ເໝືອນທອງທາບທາ
ເຈົ້າງາມລໍ້າ ຍິ່ງໃດໃນຫຼ້າ
ປຽບດັ່ງນາງຟ້າ ລົງມາສູ່ດິນ…

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (1970)
ນັກຮ້ອງຕົ້ນສະບັບ : ສົມລິຕ ພັນນະວົງສ໌

1) ນວນ ນາງ ງາມລໍ້າຍິງໃດ ທີ່ໄດ້ພົບເຫັນ
ຍິ້ມເຈົ້າບາດຕາ ພາຫົວໃຈເຕັ້ນ
ຊາຍຕ່າງບໍ່ເວັ້ນ ຝາກຝັງໄມຕຣີ

2) ນວນ ນາງ ຊ່າງງາມໂສພາ ປຽບຣາຊີນີ
ເຖິງຢູ່ໃກ້ໄກ ໝາຍໂສຊີບພລີ
ຂໍຕາມເຈົ້ານີ້ ໄປຊົ່ວຊີວັນ

• ຄອບຄອງບັນລັງ ຮັກກັນສົມປອງ
ວິມານງາມຜ່ອງ ຫ້ອງຫໍສວັນ
ຮັກດຽວໃຈດຽວ ຜູກກ່ຽວສັມພັນ
ບໍ່ມີແປຜັນ ຊົ່ວນິຣັນດອນ

3) ນວນ ນາງ ພຽງເຫັນຄັ້ງດຽວ ໜ່ຽວໃຈອາວອນ
ແມ່ນສ້າງກຸສົນ ຮ່ວມກັນຊາດກ່ອນ
ຜົນບຸນຈົ່ງຢ້ອນ ໃຫ້ໄດ້ສຸກສົມ…

ເນື້ອຮ້ອງ & ທຳນອງ : ສນອງ ອຸ່ນວົງ (1970)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

1) ບໍ່ຢາກມີ ມໍ ຄຳວ່າສຣະ ເອັຽ
ບໍ່ຢາກມີເມັຽ ມາເປັນເຈົ້າຫົວໃຈ
ງາມດັ່ງນາງຟ້າ ລູກເສດຖີລວຍໃຫຍ່
ບໍ່ຂໍສົນໃຈ ຍ້ອນບໍ່ຢາກມີເມັຽ…

2) ຂ້ອຍຢູ່ຄົນດຽວ ນີ້ສຸກໃຈເສັຽຈິງ
ເວົ້າເຣື່ອງຜູ່ຍິງ ພາໃຈຂ້ອຍອ່ອນເພັຽ
ໃຜຢາກມີທຸກ ອຸກເອົ້າຈົ່ງມີເມັຽ
ໄປຫຼິ້ນໄພ້ເສັຽ ຣະວັງເມັຽຊິບິດຫູ…

• ມີເມັຽນີ້ ແສນລຳບາກ
ຍາມທຸກຍາມຍາກ ດ່າມຶງໆ ກູໆ
ຫາກມີເມັຽນ້ອຍ ສຽງປ້ອຍກ້ອງຫູ
ຄິດແລ້ວຄິດດູ ຢູ່ຜູ່ດຽວສະບາຍ…

3) ຂ້ອຍຢາກມີ ງໍ ຄຳວ່າສຣະ ເອິນ
ຂ້ອຍຢາກມີເງິນ ຢ່າງເຫຼືອລົ້ນມາກມາຍ
ບໍ່ຢາກມີເມັຽ ມາຮ່ວມໝອນຄຽງກາຍ
ຢາກຢູ່ດຽວດາຍ ຄົງສຸກສະບາຍຈິງເອີຍ…

ເນື້ອຮ້ອງ & ທຳນອງ : ສຸຣິວັດ ຣັຕນະສວັນ (1965)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ຄອຍເຝົ້າຄອຍ ແຕ່ພຽງໃນຝັນ
ຢາກເຫັນວຽງຈັນ ນ້ອງຕ້ອງຝັນທຸກວັນເວລາ
ຊາດນີ້ຄົງສິ້ນບຸນວາສນາ ມີແຕ່ຄົນເຂົາກ່າວມາ
ງາມໜັກໜາ ໂອ້ເມືອງວຽງຈັນ

2) ພໍໄດ້ຊົມ ດັ່ງໃຈໝັ້ນໝາຍ
ງາມແສນວິລັຍ ໂອ້ຫາດຊາຍສົມນາມດອນຈັນ
ປຽບເໝືອນເທວາບົນຟ້າສວັນ ປັ້ນແຕ່ງເປັນຂວັນວຽງຈັນ
ດັ່ງວິມານ ສຸດແສນງາມຕາ

• ງາມທາດຫຼວງ ຍອດສູງທຽມເມກ
ສົມເປັນເມືອງເອກ ງາມທຸກຢ່າງສຸດພັລນາ
ງາມຫໍພຣະແກ້ວ ແສງວາວແວວສວຍເດັ່ນໃນຕາ
ສົມດັ່ງທີ່ລືກັນມາ ວ່າງາມເໜືອຟ້າແດນໄກ

3) ພໍໄດ້ຊົມ ຈົນລືມຖິ່ນຖານ
ມາເຫັນວຽງຈັນ ສຸກສຳຣານເໜືອເມືອງໃດໆ
ໄດ້ເຫັນຣາຕຣີມີແສງສົດໃສ ເຮືອງຮຸ່ງດັ່ງຟ້າອຳໄພ
ຊວນຈິດໃຈ ໃຝ່ຝັນບໍ່ລືມ…