ເພງ “ຂາດນາງ”

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ວົງເດືອນ ວົງພະຈັນ

1) ບໍ່ຢາກໄດ້ເງິນ ບໍ່ຢາກໄດ້ທອງ
ແຕ່ຢາກໄດ້ນ້ອງ ມານອນແນບຂ້າງ
ຈະຕີງໄປໃສ ບໍ່ໃຫ້ເຫີນຫ່າງ
ມີອ້າຍມີນາງ ຕລອດເວລາ

2) ຢູ່ດຽວປ່ຽວໃຈ ຜູ່ໃດບໍ່ເຫັນ
ຄໍ່າຄືນເຊົ້າເຢັນ ເໝືອນເປັນຄົນບ້າ
ຂາດຄູ່ຄຽງໝອນ ຍາມນອນນິທຣາ
ຢາກໄດ້ແກ້ວຕາ ມາເປັນເພື່ອນໃຈ

• ຍາມນອນ ກໍນອນບໍ່ຫຼັບ
ຫົວໃຈແລະຕັບ ມັນສັ່ນມັນສາຍ
ຢ້ານໂຊຢ້ານເຈັບ ຢ້ານຕາຍ
ຍ້ອນຢ້ານບໍ່ໄດ້ ສາຍໃຈມາກອດນອນ

3) ບໍ່ຢາກມີເງິນ ບໍ່ຢາກມີຄຳ
ຢາກມີງາມຂຳ ທຸກຍາມເຂົ້າບ່ອນ
ບໍ່ມີເຂົ້າກິນ ບໍ່ເຫັນອາທອນ
ບໍ່ເຄີຍເດືອດຮ້ອນ ເທົ່ານອນຂາດນາງ

ຂາດນາງ…ຂາດນາງ ຂາດນາງ…ຂາດນາງ
ຂາດນາງ…ຂາດນາງ