Category: ເພງ

1) ສຽງໃຜ ດັງແວ່ວມາ
ຢາກເຫັນໜ້າ ເວລາເພງພັດປິວ
ຫວິວໆ ປິວເປັນສຽງສັ່ງ
ຂອງຄົນຊໍ້າ ຣະກັມໃຈ

2) ສົງສານ ສຽງເພງຈົ່ມ
ຄົງຣະທົມ ຂື່ນຂົມບໍ່ເວັ້ນວາຍ
ຂ້ອນຄືນ ຍັງສົ່ງສຽງໄກ
ເໝືອນສຽງໄຫ້ ໃຜລວງມາ

• ຫາ ວ່າຍິງທົ່ວໄປ
ມີຫຼາຍໃຈ ຜິດຄຳສັນຍາ
ບາດຜູ່ຊາຍ ຫຼອກເຂົາບໍ່ວ່າ
ຜູ່ຍິງເສັຽນໍ້າຕາ ເປັນແສນໆ

3) ນ້ອງຂໍ ຮ້ອງຕໍ່ວ່າ
ຍິງແນ່ກວ່າ ຜູ່ຊາຍຕັ້ງຫຼາຍຄະແນນ
ຜູ່ຍິງ ຮັກປັກຝັງແໜ້ນ
ສັນຍາແກ່ນ ແມ່ນວາຍຊົນ…

1) ໃຜຜິດໃຜພານ ຂໍວານຈົ່ງບອກ
ຢ່າທຳປີ້ນປອກ ຫວານນອກຂົມໃນ
ຢ່າແບ່ງຄວາມຮັກ ໃຫ້ເປັນສອງ
ແບ່ງໃຈໄວ້ຄອງ ຊາຍໃໝ່
ໃຜຜິດສິ່ງໃດ ສິ່ງໃດ ສິ່ງໃດກັນໜາ

2) ນ້ອງເກັບນ້ອງອຳ ຝືນທຳພານກໍ່
ວ່າໃຈຕັ້ງຕໍ່ ແລ້ວບໍ່ຫົວຊາ
ບອກວ່າໃຈຮັກ ບໍ່ໜ່າຍໜີ
ແຕ່ໃຈແລ້ວມີ ຫຼາຍທ່າ
ດ້ວຍເຈຕະນາ ຫຼືໃດ ຫຼືໃດ ຫຼືໃດ

• ໃຈຊາຍໃຈຍິງ ກໍຄົງເໝືອນກັນ
ຮູ້ຈັກກັບຄວາມໂສກສັນ ເມື່ອມັນນັ້ນມີທຸກຝ່າຍ
ຫາກເປັນນ້ອງ ຄົງເໝືອນກັນຈົນໄດ້
ຫງອຍເຫງົາໂສກເສົ້າ ເສັຽໃຈຕໍ່ວ່າຕໍ່ຂານ…

3) ຂໍຢ່າຝືນໃຈ ຝືນໃນຮັກຕໍ່
ກຽດຊັງແລ້ວກໍ ຂໍບອກເຖິງກັນ
ຢ່າແບ່ງໃຈຄິດ ເພື່ອຄວາມຫວັງ
ແບ່ງຄວາມຮັກນາງ ເລີຍນັ້ນ
ຢ່າກຽດຊັງກັນ ຂໍນຳ ຂໍນຳ​ ຂໍນຳ…

1) ຄັ້ງນຶ່ງນ້ອງ ເຄີຍທຳ ອ້າຍຊໍ້າຈິດ
ອ້າຍບໍ່ຄິດ ຂຸ່ນເຄືອງ ເຣື່ອງຜ່ານມາ
ກໍຍັງຮັກ ນ້ອງຢູ່ ຄູ່ຊີວາ
ຮັກຂວັນຕາ ຈອມໃຈ ດ້ວຍໄມຕຣີ

2) ມີແຕ່ຄວາມ ງຽບເຫງົາ ທົນເສົ້າໂສກ
ນີ້ໜໍໂຊກ ບໍ່ເມຕຕາ ຫຼົບໜ້າໜີ
ມີແຕ່ທຸກ ໂສກສັນ ຜານຊີວີ
ອີກຈັກປີ ຈຶ່ງຈະພົ້ນ ໝົ່ນໝອງໃຈ

• ເຄີຍສັນຍາ ວ່າຮັກນັ້ນ ນິຣັນແນ່
ບໍ່ຜັນແປ ຄົງໝັ້ນ ຝັນສົດໃສ
ອ້າຍຫຼົງປັ້ນ ວິມານ ອັນວິໄລ
ແຕ່ບໍ່ໄດ້ ຄວາມຈິງແທ້ ພຽງແຕ່ເງົາ

4) ຫາກແມ່ນນ້ອງ ສິ້ນທາງ ສ້າງຊີວີດ
ຮັກເປັນພິດ ຂາດສຸກ ທົນທຸກເສົ້າ
ຈົ່ງຄະນຶງ ເຖິງອ້າຍ ໝາຍແບ່ງເບົາ
ຈະຮັບເອົາ ທຸກໂສກນັ້ນ ແບ່ງປັນມາ…