ມິຄວາມຮູ້ ແຕ່ຖ້າຂາດຈິນຕະນາການ ກໍໄຮ້ຄຸນຄ່າ…
ເນື້ອຮ້ອງ & ທຳນອງ : ຄຳພູ ທະວີວັນ (1967)
ນັກຮ້ອງຕົ້ນສະບັບ : ຄຳພູ ທະວີວັນ
1) ສຽງແຄນ ເຂົາເປົ່າອອດອ້ອນ
ຂ້ອຍນອນ ແລ້ວຫຼັບບໍ່ລົງ
ເປົ່າແລ້ວເປົ່າ ຄິດເຖິງເຈົ້າຢູ່ແຄມຝັ່ງຂອງ
ປານນີ້ຄົງ ມີຄູ່ຫຼືຍັງ…
2) ສຽງແຄນ ເຂົາເປົ່າອອດອ້ອນ
ເມື່ອກ່ອນ ນັ້ນເຈົ້າເຄີຍຟັງ
ແຕຣແລັນແຕຣ ຄິດເຖິງແຕ່ເຈົ້າປາງຄາວຫຼັງ
ປານນີ້ຍັງ ຄິດເຖິງອ້າຍບໍ່ນໍ້…
3) ແມ່ນໃຈ ນ້ອງຍັງຊື່ຕຣົງ
ໝັ້ນຄົງ ຄິດຕັ້ງໃຈລໍ
ບໍ່ຜັນແປ ຈະຫາເຖົ້າແກ່ເພິ່ນໄປສູ່ຂໍ
ໄປຢູ່ເຮືອນຫໍ ວິມານຂອງເຮົາ…
ເນື້ອຮ້ອງ & ທຳນອງ : ສ. ແສງສິຣິວັນ (≤1975)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌
1) ຕາດນໍ້າຫ້ວຍຍາງ ຢູ່ຫ່າງປາກເຊນ້ອຍດຽວ
ບຸນຫຼາຍໄດ້ທ່ຽວ ຊົມນໍ້າຕົກໂຕນລົງຫິນຊັນ
ງາມ ດ້ວຍທັມມະຊາດເສກສັນ
ສາລາມີພັກຜ່ອນພັນ ສຸດແສນສຳຣານຣຶທັຍ
2) ພຣຶກສາຊື່ນບານ ແຕ່ພູມລຳທານໃສເຢັນ
ໝູ່ມວນນົກເຕັ້ນ ຕາມກ້ານກິ່ງສົ່ງສຽງກ້ອງໄກ
ປາ ກໍລອຍຫຼິ້ນນໍ້າສົດໃສ
ສາຍລົມພັດແຜ່ວຜິວກາຍ ສຸກໃຈຫາຖິ່ນໃດປານ
• ພູບາຈຽງ ສູງເດັ່ນງາມຕາ
ແຄມສາຍທາຣາ ສະລ້ຽງປາມີປາຫຼາຍພັນ
ໂອ້ຫຼັກແປດ ແດນນີ້ຄ້າຍດັ່ງສວັນ
ສຽງນໍ້າຕົກໂຕນສນັ່ນ ຊວນໃຫ້ຝັນເຖິງຄົນຮັກຂ້າ
3) ສຸກເຫຼືອເມື່ອມາ ຫຼັກແປດແດນອັນວິໄລ
ບໍ່ລືມຫຼົງໄດ້ ດັ່ງພາບຖ່າຍຕິດຕຶງຝັງຕາ
ຍາມ ຂ້າໄກຊວນໃຫ້ໃຝ່ຫາ
ແມ່ນໄກກໍຍັງຫວນມາ ຫາກບຸນຂ້າຫາກຍັງມີ…
ໂອໂອ່ໂອ້…ໂອໂອ່ໂອ້…ໂອ້ໂອ…
ເນື້ອຮ້ອງ & ທຳນອງ : ພ. ເພັດຄັນທະ (~1970)
ນັກຮ້ອງຕົ້ນສະບັບ : ພ. ເພັດຄັນທະ
1) ໜາວປີນີ້ ບໍ່ມີນ້ອງຢູ່ຄຽງໝອນ
ໜາວໃນຄາວປີກ່ອນ ມີບັງອອນນອນແນບອຸຣາ
ໜາວມາຄັ້ງໃດ ກອດຂວັນໃຈໃຫ້ໜາວອິດສາ
ໜາວໃນປີນີ້ໜາ ຂວັນຕານ້ອງຢູ່ແຫ່ງໃດ
2) ໜາວປີນີ້ ບໍ່ມີນ້ອງຢູ່ຄຽງຂວັນ
ຫົວໃຈອ້າຍມັນສັ່ນ ຄິດເຖິງວັນເຄີຍຄູ່ດວງໃຈ
ຍິ່ງລົມໜາວໂບກ ອ້າຍຍິ່ງໂສກຊອກຊໍ້າຊວງໃນ
ອີກຈະນານປານໃດ ຍອດຂວັນໃຈຈະຢ້ອນຄືນມາ
• ໜາວໆຢ່າງນີ້ ຄົນດີນ້ອງຢູ່ຢ່າງໃດ
ຫຼືມີຄົນຮັກໃໝ່ ຄອຍເອົາໃຈໃຫ້ອຸ່ນອຸຣາ
ຫຼືຍັງຫວ່າງເປົ່າ ໂສກເສົ້າກໍ້າກືນນໍ້າຕາ
ອ້າຍມີແຕ່ເອກາ ນໍ້າຕາໄຫຼຫຼັ່ງອາບປາງ
3) ໜາວຢ່າງນີ້ ຄົນດີນ້ອງຢູ່ກັບໃຜ
ຢູ່ກັບຄົນຮັກໃໝ່ ຫຼືຂວັນໃຈໝອງໄໝ້ຄວນຄາງ
ນ້ອງມີຄວາມສຸກ ຫຼືວ່າທຸກຢ່າງໃດໜໍນາງ
ອ້າຍມີແຕ່ອ້າງວ້າງ ນາງເອີຍນາງອ້າຍແສນຣະທົມ…
ເນື້ອຮ້ອງ & ທຳນອງ : ໄຊພອນ ສິນທະຣາດ (1970)
ນັກຮ້ອງຕົ້ນສະບັບ : ໄຊພອນ ສິນທະຣາດ
1) ເຄີຍພົບຍິງ ມາແລ້ວຫຼາຍໆ
ບໍ່ເຄີຍສົນໃຈ ບໍ່ເຄີຍຮັກໃຜຈົນໝົດຫົວໃຈ
ເສື້ອແດງເສື້ອເຫຼືອງກໍມີ ຜູ່ຈົນຜູ່ມີກໍຫຼາຍ
ບໍ່ເຄີຍອາລັຍ ບໍ່ເຄີຍໃຝ່ຝັນ
2) ພໍພົບຍິງ ຄົນໃສ່ເສື້ອຂຽວ
ຫົວໃຈໂນ້ມໜ່ຽວ ຫຼົງຮັກເສື້ອຂຽວນັ້ນຢູ່ທຸກວັນ
ຄຶດເຖິງຮອຍຍິ້ມແສນຫວານ ຄຶດເຖິງສາບານຄືນນັ້ນ
ຕຣາບຊົ່ວຊີວັນ ຮັກດຽວແນ່ນອນ
• ເປີດ ວິທະຍຸ
ເປີດຟັງເບິ່ງດູ ສູ່ຟ້າວຫຼັບນອນ
ມີໃຜຜູ່ນຶ່ງ ຄິດເຖິງເຈົ້າຢູ່ບັງອອນ
ຄົນນີ້ເຂົາຊື່ໄຊພອນ ຫຼົງຮັກງາມງອນເສື້ອຂຽວບາງໆ
3) ພໍສຽງເພງ ດັງແວ່ວມາຫາ
ຂໍນາງເຈົ້າຢ່າ ຢ່າຄິດນິນທາຫຼືວ່າກຽດຊັງ
ມີແຟນນັກຮ້ອງລະດີ ຮັບຮອງບໍ່ມີຜິດຫວັງ
ຢ້ານແຕ່ນວນນາງ ນ້ອງເຈົ້າຈະລວງ…
ເນື້ອຮ້ອງ & ທຳນອງ : ຄຳຫຼ້າ ເພັດດາຣາ (~1959)
ນັກຮ້ອງຕົ້ນສະບັບ : ວຽງແວວ ວົງວຽງຄຳ
1) ໂອ້ຫລວງພຣະບາງ ຟາກຟ້າແດນໄກ
ແດນພູປ່າພະນາອຳໄພ ນຶກເຖິງຍັງໃກ້ນໍ້າໃຈຂອງນາງ
ແຜ່ນພູແລະຜາ ໜາກັ້ນເປັນທາງ
ຂັ້ນດວງໃຈໃຫ້ຫ່າງ ຂໍນ້ອງຢ່າຮ້າງຫ່າງລາ
2) ແມ່ຂອງແມ່ຄານ ໄຫຼກ້ຽວຜູກພັນ
ເໝືອນດັ່ງເຊັ່ນດວງໃຈອ້າຍນັ້ນ ມາຂໍຮັກໝັ້ນສັມພັນຊົ່ວຟ້າ
ແບກຮັກຂ້າມຂອງ ໝົ່ນໝອງອຸຣາ
ນຶກເຖິງວາສນາ ຈະມາຄູ່ຄຽງຄົນດີ
• ອ້າຍ… ແບກຄວາມຮັກມາຫາ
ກາຍແລະຈິດອຸທິດຊີວາ ມຸ່ງມາຫາເພື່ອຕາຍແດນນີ້
ລົມໜາວໂບກມາ ອຸຣາໝອງໄໝ້ທະວີ
ເກງຄວາມຮັກຈະເກີນສັກສີ ນ້ອງຄົນດີທີ່ອ້າຍໝັ້ນໝາຍ
3) ເຖິງແມ່ນຢ່າງໃດ ຂໍໃຫ້ເວົ້າມາ
ຮັກຫຼືໂກດໂປຣດໄດ້ເອີ່ຍຈາ ຢ່ານຶກເລີຍວ່າຜູ່ຊາຍແດນໄກ
ຫາກຮັກຈະຂໍ ດົ້ນດັ້ນປ່າໄພ
ພູແລະຜາກວ້າງໃຫຍ່ ດ້ວຍໃຈມາຫາເຈົ້າເອີຍ…
ເນື້ອຮ້ອງ & ທຳນອງ : ຄຳຫຼ້າ ເພັດດາຣາ (1960)
ນັກຮ້ອງຕົ້ນສະບັບ : ຄຳເຕີມ ຊານຸບານ
1) ກຸຫລາບສວັນ ທຸກວັນອ້າຍຝັນເຖິງເຈົ້າ
ເພີ້ຣຳພັນຝັນເຝົ້າ ປອງເອົາແຕ່ນ້ອງນວນນາງ
ແຕ່ເຈົ້ານັ້ນ ສັນໃດຈຶ່ງໄດ້ເຫີນຫ່າງ
ຫຼືມີຄູ່ຄຽງຂ້າງ ນວນນາງຈຶ່ງບໍ່ຂ້ອງກ່ຽວ
2) ວາສນາ ຊາຕາອ້າຍນີ້ຕໍ່າຕ້ອຍ
ຮັກຈຶ່ງໄດ້ເລື່ອນລອຍ ເຝົ້າຄອຍຮັກນ້ອງຂ້າງດຽວ
ຊ່າງລືມລັຍ ນໍ້າໃຈກ່ອນນັ້ນຍຶດໜ່ຽວ
ຫຼືມີຄູ່ຂ້ອງກ່ຽວ ແໜ້ນໜຽວກັບໂສມຍຸພິນ
• ໂອ້… ເມືອງສວັນ
ຫວັງຜູກສຳພັນ ຮັກກັນຊົ່ວຟ້າແລະດິນ
ມາບັດນີ້ ນ້ອງລັຍລືມເລີຍເສັຽສິ້ນ
ຄົງເຫຼືອແຕ່ຟ້າກັບດິນ ໃຫ້ເປັນອະນຸສອນ
3) ສິ້ນແລ້ວຊາດນີ້ ບໍ່ມີຣົຖເບັ້ນໃຫ້ເຈົ້າ
ອ້າຍຈຶ່ງຕ້ອງໝອງເສົ້າ ອົກເອົ້າເຝົ້າຝັນອາທອນ
ເຖິງຊາດໜ້າມີ ອ້າຍນີ້ກໍຂໍບໍ່ຢ້ອນ
ຍອດຮັກເອີຍລາກ່ອນ ນວນນ້ອງຈົ່ງມີໂຊກດີ…
ເນື້ອຮ້ອງ & ທຳນອງ : …?… (~1970)
ນັກຮ້ອງຕົ້ນສະບັບ : ຊຳນານ ຈົ່ງຮັກ
1) ຢ່າຄິດໂສກສັນ ເຖິງຄົນຮັກເຮົານອກໃຈ
ຢ່າຄິດອ່ອນໄຫວ ໃຫ້ໃຈເຮົາຮ້ອນເຕັມທົນ
ຢ່າຄິດ ວ່າຍິງມີພຽງນຶ່ງຄົນ
ທົ່ວໂລກມາກລົ້ນ ຍັງມີຜູ່ຍິງຖົມໄປ
2) ຢ່າຄິດຝັນເພີ້ ລະເມີເຣື່ອງຄົນແຍກຄອນ
ຢ່າຄິດສະທ້ອນ ອາວອນຮ້ອງໄຫ້
ເຖິງເຂົາ ຈະລືມເຖິງເຂົາປ່ຽນໃຈ
ຈົ່ງປ່ອຍເຂົາໄປ ຢ່າໄດ້ມົວຫຼົງຕິດຕາມ
• ຢ່າຄິດ ຢ່າຄິດໃຫ້ໃຈນັ້ນຕື່ນ
ໃຫ້ໃຈສະອຶ້ນ ຂືນໃນຄວາມຊັງ
ເພາະໂລກມັນໜຸນ ມັນວຽນທຸກຍາມ
ບາງທີເຂົາຕາມ ຄືນມາງໍ້ເຮົາ
3) ຢ່າຄິດແປຜັນ ເຖິງເຂົາລືມເຮົາກໍຕາມ
ຈົ່ງພະຍາຍາມ ຫ້າມຫົວໃຈເອົາ
ຢ່າເປັນ ຄົນເສີ້ລະເມີຫ່ວງເຂົາ
ໄດ້ແຕ່ຫຼົງເຝົ້າ ມົວເມົາຮັກເຂົາຂ້າງດຽວ…
ເນື້ອຮ້ອງ & ທຳນອງ : ສິລ ເມືອງໃຕ້ (1969)
ນັກຮ້ອງຕົ້ນສະບັບ : ສົມຟອງ ຊົງມີໄຊ
1) ຢາດນໍ້າຕາ ໄຫຼນອງດັ່ງນໍ້າລົ້ນຝັ່ງ
ເມື່ອຄວາມຫວັງ ມາສູນສິ້ນຈາກອຸຣາ
ຄົນ ຮັກເມີນໜີໜ້າ
ສັດທາ ຮັກມາສລາຍ
2) ສິ້ນຮັກລົງ ເໝືອນດັ່ງຖືກເພີງເຜົາໄໝ້
ສຸມສຽບໃຈ ຄິດໄປແສນເສົ້າທະວີ
ຄອງ ຮັກມາຫຼາຍປີ
ແລ້ວຍໍ່າຍີ ຫົວໃຈແຫຼກລານ
• ຄົງເຫັນໃຈຍິງ ເປັນສນາມອາຣົມ
ຈຶ່ງຂ້າຈຶ່ງຂົ່ມ ຈຶ່ງທຳໃຫ້ຂົມດວງມານ
ຫຼິ້ນເກມຮັກສັບສົນ ຊອກຊ້ອນຫຼາຍອັນ
ສນາມໃຈສະທ້ານ ສັ່ນສລາຍແຕກເພ
3) ສາບຮັກຊາຍ ເຖິງຕາຍຈະທົນວ້າເຫວ່
ອົກຈະເພ ບໍ່ຂໍໝາຍປຣາຖນາ
ຂໍ ສາບານໄວ້ວ່າ
ບໍ່ນຳພາ ກັບຄວາມຮັກເອີຍ…
ເນື້ອຮ້ອງ & ທຳນອງ : ອະນຸສັກ ທັມມະວົງສາ (~1976)
ນັກຮ້ອງຕົ້ນສະບັບ : ສຸນທະຣາ ແກ້ວ
1) ຍິ້ມສເມີ ເມື່ອເຫັນນ້ອງມີຮັກໃໝ່
ຍິ້ມສເມີ ຍິ້ມສົ່ງດ້ວຍໃຈພັກດີ
ອ້າຍຍິ້ມສເມີ ເມື່ອເຫັນນ້ອງນາງສຸຂີ
ເມື່ອເຫັນເທວີ ສຸຂີກັບຄົນຮັກໃໝ່
2) ຍິ້ມສເມີ ເມື່ອນ້ອງລືມອ້າຍໄດ້ລົງ
ຍິ້ມສເມີ ຍິ້ມບົ່ງເຖິງຄວາມຊໍ້າໃຈ
ອ້າຍຍິ້ມສເມີ ຍິ້ມກັນນໍ້າຕາເອົາໄວ້
ຍິ້ມຢ່າງຈົນໃຈ ສຸດອາລັຍໃນວາສນາ
• ຝືນ ຍິ້ມຢູ່ທຸກທີ
ທັ້ງທີ່ອ້າຍນີ້ ແສນປວດອຸຣາ
ຍິ້ມເພື່ອນ້ອງ ສລອງສາວແບບເງິນຕຣາ
ອ້າຍຍິ້ມເຢີ້ຍຟ້າ ເມື່ອເຫັນຮັກມາໜີໄກ
3) ຍິ້ມສເມີ ອ້າຍຍິ້ມເພື່ອນ້ອງນາງດຽວ
ຍິ້ມສເມີ ຍິ້ມປ່ຽວຂາດຄົນສົນໃຈ
ອ້າຍຍິ້ມສເມີ ຝືນຍິ້ມເມື່ອຕົນປຣາຊັຍ
ຍິ້ມຢ່າງຈົນໃຈ ເພາະນາງລືມໄດ້ລົງຄໍ…
ເນື້ອຮ້ອງ & ທຳນອງ : ປ. ຕຣີຈັນ & ໂພ ຄຸຜ່ອງສີ (1968)
ນັກຮ້ອງຕົ້ນສະບັບ : ຄຳເພັຊ ສວັດດີ
1) ຢູ່ໄປເຮັດຫຍັງ ຄົນຮັກເຂົາຊັງນໍ້າໜ້າ
ຢູ່ໄປເຮັດຫຍັງ ໃຫ້ຄົນຕິສິນນິນທາ
ໂລກນີ້ກວ້າງໃຫຍ່ ຈະໄປໃຫ້ສຸດສາຍຕາ
ຫຼີກຄຳນິນທາ ຫຼີກວາຈາສຽດສີເຈັບໃຈ
2) ຢູ່ໄປເຮັດຫຍັງ ຄົນຮັກຫັນຫຼັງໃຫ້ເຮົາ
ຢູ່ໄປເຮັດຫຍັງ ໃຫ້ເຂົາດ່າວ່າທຳລາຍ
ຂໍຕາຍດາບໜ້າ ບໍ່ມາໃຫ້ເຈັບຊໍ້າໃຈ
ຫຼີກທາງຫ່າງໄກ ຜູ່ຊາຍຫຼາຍໃຈບໍ່ປຣາຖນາ
• ຈະສແວງ ຊອກຊອນຫາຊາຍໃຈຊື່
ທີ່ເຂົາລື ວ່າເດັ່ນແລະສງ່າ
ເອົາມາປະດັບ ປະທັບໄວ້ໃນອຸຣາ
ກໍຍັງດີກວ່າ ທົນຢູ່ກັບຊາຍລໍ້ລວງ
3) ຢູ່ໄປເຮັດຫຍັງ ຄວາມຮັກເຮົາພັງສູນສິ້ນ
ຢູ່ໄປເຮັດຫຍັງ ແຜ່ນດິນມີຊາຍແສນລວງ
ແມ່ນຊີບຈະດັບ ບໍ່ກັບມາຮັກມາຫ່ວງ
ຜູ່ຊາຍແສນລວງ ບໍ່ຂໍຄວງໃຫ້ເສັຽເວລາ…
