ມິຄວາມຮູ້ ແຕ່ຖ້າຂາດຈິນຕະນາການ ກໍໄຮ້ຄຸນຄ່າ…
ເນື້ອຮ້ອງ & ທຳນອງ : …?… (~1970)
ນັກຮ້ອງຕົ້ນສະບັບ : ສີເມືອງ ສຸວັນລາສີ
1) ກິ່ນ ແກ້ມນ້ອງ
ທີ່ເນື້ອທອງ ໃຫ້ອ້າຍດົມ
ຫອມຫວນ ຊວນຊົມ
ສຸກສົມ ອາຣົມເບີກບານ
2) ກິ່ນ ແກ້ມນີ້
ຊຶ້ງຣຶດີ ມີອາຖັນ
ເໝືອນຟ້າ ປະທານ
ພອນສວັນ ໃຫ້ເຮົາສອງຄົນ
• ນີ້ຮັກເຮົາສອງ ປອງດອງເຖິງຂີດກັ້ນ
ຕ້ອງໃຫ້ສາບານ ປະກັນແຖນຊ່ວຍດົນ
ຂໍໃຫ້ຄວາມຫວານ ຈົ່ງໄດ້ຜ່ານພົ້ນ
ເທບຊັ້ນບົນ ໂປຣດຄຸ້ມຄອງ
3) ກິ່ນ ແກ້ມນາງ
ອ້າຍເກັບຝັງ ຫົວໃຈປອງ
ຄອຍວັນ ແຕ່ງດອງ
ເດືອນສິບສອງ ສອງເຮົາຄົງສຸກເອີຍ…
ເນື້ອຮ້ອງ & ທຳນອງ : …?… (~1970)
ນັກຮ້ອງຕົ້ນສະບັບ : ອຳມະຣິດ (…?…)
1) ສາຍຝົນ ຫຼົ່ນຈາກຟ້າ ນໍ້າຕາຫຼັ່ງ
ຟ້າຄວນຄາງ ຍິ່ງຟັງ ຍິ່ງໃຈຫາຍ
ຝົນຈາກຟ້າ ເໝືອນຮັກຂ້າ ຮ້າງແຮມກາຍ
ສຸດເສັຽດາຍ ຊອກຊໍ້າໃຈ ເຫຼືອຄະນາ
2) ສຽງລົມພັດ ປິວສະບັດ ພັດຍອດໄຜ່
ຍິ່ງໜາວໃຈ ໜາວໄປ ທົ່ວກາຍາ
ແມ່ນມີນ້ອງ ມາອິງແອບ ແນບອຸຣາ
ຝົນຄົງພາ ໃຫ້ເຮົາສອງ ຄອງສຸກສົມ
• ແຕ່ຕົວນ້ອງ ໝາງເມີນ ເຫີນໄປຈາກ
ເຫຼືອພຽງຊາກ ຮັກເກົ່າ ເສົ້າໂສກຕຣົມ
ປ່ອຍອ້າຍໄວ້ ໃຫ້ອາວອນ ນອນຣະທົມ
ສຸດຂື່ນຂົມ ເພາະຫຼົງລົມ ຂອງຄົນລວງ
3) ວອນສາຍຝົນ ຈົ່ງດົນໃຈ ຄົນຮັກຂ້າ
ໃຫ້ຄືນມາ ເຖີດໜາ ຂ້າຍັງຫວງ
ຍັງເຝົ້າຮັກ ພັກດີ ຈົນລົ້ນຊວງ
ຂ້າຍັງຫ່ວງ ຈົ່ງກັບມາ ກັບສາຍຝົນ…
ເນື້ອຮ້ອງ & ທຳນອງ : ສີລາວົງ ແກ້ວ (1972)
ນັກຮ້ອງຕົ້ນສະບັບ : ສີລາວົງ ແກ້ວ
1) ຕື່ນເຖີດ ທ່ານເອີຍ
ຢ່າເສີຍເມີຍ ເໝືອນຄົນຝັນຄ້າງ
ຮີບມາພາ ກັນປູກກັນຝັງ (ຊໍ້າ)
ຢ່າພາກັນນັ່ງ ຫາຍໃຈເປົ່າດາຍງ
2) ຕື່ນເຖີດ ລຸງອາວ
ຢ່າມົວເມົາ ນຳເບີນຳໄພ້
ຮີບພາກັນ ລ້ຽງເປັດລ້ຽງໄກ່ (ຊໍ້າ)
ເພາະເຮົາຈະໄດ້ ມີອັນຢູ່ອັນກິນ
• ຢ່າຄອງ ໃຫ້ຄົນອື່ນຊ່ວຍ
ຫາກເຂົາບໍ່ຊ່ວຍ ຊິເອົາຫຍັງມາກິນ
ອົດທົນເອົາຫຼັງສູ້ຟ້າ ອົດສາເອົາໜ້າສູ້ດິນ
ທຳມາຫາກິນ ຫາລ້ຽງຊີບຂອງເຮົາ
3) ຕື່ນເຖີດ ພີ່ນ້ອງ
ຢ່າຫຼຽວມອງ ມືນດູດາຍເປົ່າ
ເຮັດຈັ່ງໃດ ເຮົາຊິມີຄືເຂົາ (ຊໍ້າ)
ຈົ່ງພາກັນຟ້າວ ສ້າງສາພັທນາ…
ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1994)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ
ສອຍ : ຢ່າລືມຢ່າລືມ ບ້ານເຮົາເດີ້
ພີ່ນ້ອງລາວ ທີ່ຢູ່ຕ່າງແດນ
ໄດ້ຢູ່ສນຸກ ສຸກແສນ
ຢ້ານຊິລືມສຽງແຄນ ສຽງລຳຊະລະນໍ
(ຢ່າສຸລືມສຽງແຄນ ສຽງລຳບ້ານເຮົາ…)
1) ຈາກມາຕັ້ງຕົນ ທຸກໆຄົນສະບາຍດີບໍ່
ບໍ່ເຫັນເມືອ ຢາມແມ່ຢາມພໍ່
ກະໝັ່ນໄປ ໝັ່ນມາຊັ້ນລະບໍ
ປານນີ້ເພິ່ນລໍ ຖ້າຢູ່ຫົວຂັ້ນໄດ
2) ລາວເຮົາ ດຽວນີ້ຕ່າງເກົ່າ
ບ້ານເຮົາເມືອງເຮົາ ຈະເຣີນຂຶ້ນຫຼາຍ
ບໍ່ເຊື່ອກະເມືອເບິ່ງເອງ ພັທນາການເລັ່ງສອດຄ່ອງວ່ອງໄວ
ນັບວັນຈະຮຸ່ງເຮືອງ ເມືອໜ້າ (ຊໍ້າ)
ລາວຈິໂປ້ບາດຫຼ້າ ໝາກແຕງຊ້າງໜ່ວຍປາຍ…
(ສອຍ)
3) ຢູ່ກັນດີໆ ເພາະເມືອງນີ້ບໍ່ແມ່ນເມືອງເຮົາ
ຢ່າສ້າງຄວາມ ເດືອດຮ້ອນໃຫ້ເຂົາ
Citizen ກໍຊາດລາວເຊື້ອລາວ
ຢ່າລືມໂຕວ່າເຮົາ ມາຈາກເຜົ່າພັນໃດ
4) ຮັກກັນ ແພງກັນດີກວ່າ
ພັດພາກບ້ານເມືອງມາ ຄ່ອຍເພິ່ງພາອາສັຍ
ຈະມີໃຜໜໍຮັກລາວ ເໝືອນກັບລາວຮັກລາວກວ່າຊາດອື່ນໃດ
ສາມັກຄີນັ້ນລະມີ ຄວາມສຸກ (ຊໍ້າ)
ບໍ່ຫວຸ້ນວາຍຫາຍອຸກ ແສນສນຸກສະບາຍ…
(ສອຍ)
ເນື້ອຮ້ອງ & ທຳນອງ : ຄໍາແພງ ປີຊາຍານ (~1970)
ນັກຮ້ອງຕົ້ນສະບັບ : ນວນສີ ບຸນຍະວົງສ໌
1) ບ້ານເກີດເຮົາ ເຄີຍອາສັຍ
ແສນສຳຣານເລີງໃຈ ຫາໃດມາປຽບທຽບເທົ່າ
ເຄີຍສຸກເຄີຍສັນ ຢູ່ຕາມປະສາບ້ານເຮົາ
ບໍ່ເຄີຍມີໃຜມາເຂົ້າ ໝາຍປອງເອົາລາວໄປຄອບຄອງ
2) ທົ່ວເຂດແຄວ້ນ ແດນອານາ
ແສນວິໄລງາມຕາ ສົມດັ່ງອານາສູງສົ່ງ
ມີຖິ່ນມີຖານ ປຽບປານສວັນວຽງທອງ
ອາສັຍຄົນລາວພີ່ນ້ອງ ຖືຄວາມປອງດອງຕລອດມາ
• ບ້ານເມືອງເຮົາ ອຸດົມສົມບູນທຸກຢ່າງ
ຄົນລາວທຸກຄົນກໍຕ່າງ ອາສັຍຜືນດິນຖິ່ນນາ
ຖືເປັນບ້ານເກີດ ສຸດປຣະເສີດແຕ່ໃດໆມາ
ຍັງໝັ້ນໃນສາສນາ ເໜືອດວງຊີວາບໍ່ໄດ້ຈືດຈາງ
3) ເພື່ອນລາວເອີຍ ເຄີຍອາສັຍ
ສຽງເພງດັງເຕືອນໃຫ້ ຫວັງຄວາມຮ່ວມໃຈທຸກຢ່າງ
ບ້ານເຮົາຈະເຮືອງ ກະເດື່ອງໄປທົ່ວທິດທາງ
ກໍເພາະຄົນລາວເຮົາຕັ້ງ ຫວັງໃຈໃນຄວາມຮ່ວມສາມັກຄີ…
ເນື້ອຮ້ອງ & ທຳນອງ : ວໍຣະເດດ ດິດທະວົງສ໌ (1973)
ນັກຮ້ອງຕົ້ນສະບັບ : ວໍຣະເດດ ດິດທະວົງສ໌
1) ງາມ ໆ ໆ
ເຈົ້າງາມ ຄ້າຍເທບທິດາ
ລ່ອງລອຍ ເໜືອເມກຂະຣາ
ຈັບຕາ ຈັບໃຈ
2) ແຍງ ໆ ໆ
ຍິ່ງແຍງ ຍິ່ງງາມບາດໃຈ
ບໍ່ເຄີຍ ເຫັນຍິງອື່ນໃດ
ຈະມາທຽບທັນ ເຈົ້າເລີຍ
• ງາມຍາມເຈົ້າ ໂຍກຍ້າຍ
ງາມພວງແກ້ມ ນ້ອງນ້ອຍ
ໂອ້ຍາມ ຍິ້ມເອີຍ
3) ນາງ ໂອ້ນາງ
ເຈົ້າງາມ ແລ້ວເຈົ້າຢ່າເສີຍ
ໂປຣດຈົ່ງ ໄດ້ຍິ້ມເປີດເຜີຍ
ຫາກແມ່ນເຈົ້າມີ ຄູ່ໃຈ….
ເນື້ອຮ້ອງ & ທຳນອງ : ບິນ ສຸດາຈັນທ໌ (1971-72)
ນັກຮ້ອງຕົ້ນສະບັບ : ພອນສວາດ ພານທອງສິງ
1) ສີ່ຫ້ອງຫົວໃຈ ຍັງລໍຊາຍຢູ່
ຍັງຄອຍຍອດຊູ້ ຢູ່ມາຕັ້ງນານຫຼາຍປີ
ຍັງບໍ່ມີຊາຍ ໝາຍຮ່ວມຊີວິ
ຕ້ອງທົນນອນໜາວຣຶດີ ບໍ່ມີຊາຍໃດຕ້ອງການ
2) ສີ່ຫ້ອງຫົວໃຈ ນ້ອງຍັງຫວ່າງເປົ່າ
ຍັງບໍ່ມີບ່າວ ເຂົ້າມາຮ່ວມຫໍສັມພັນ
ຄອງຄວາມເປັນໂສດ ມານານແສນນານ
ຍັງບໍ່ມີຊາຍສົງສານ ປະທານຄວາມຮັກໃຫ້ມາ
• ຫົວໃຈ ຊ່າງທໍຣະມານ
ໂທ້ເອີຍສວັນ ຈົ່ງທານຮັກມາເຖີດໜາ
ຂໍໃຫ້ຊາຍນັ້ນ ຮັກຈິງດັ່ງວ່າ
ແຕ່ສ່ວນຕົວຂ້າ ຂໍບູຊາຮັກດ້ວຍຫົວໃຈ
3) ສີ່ຫ້ອງຫົວໃຈ ນ້ອງຍັງຄອຍຄູ່
ໂປຣດເຖີດຍອດຊູ້ ເອັນດູຍິງທີ່ຂາດຊາຍ
ຈະເປັນຊາຍແກ່ ຫຼືບ່າວກໍໄດ້
ຂໍພຽງອ້າຍຮັກຈິງໃຈ ນ້ອງກໍຮັກໄດ້ສເມີ…
ເນື້ອຮ້ອງ & ທຳນອງ : ປ. ຕຣີຈັນ (1958)
ນັກຮ້ອງຕົ້ນສະບັບ : ປ. ຕຣີຈັນ
1) ພຣະພົມລິຂິດ ຊີວິດຂ້າໜໍ
ທຸກຍາກຍັງບໍ່ພໍ ແຖມມີເວນກັມຊໍ້າເຕີມເຈັບຊໍ້າ
ເມັຽຮັກເມັຽແກ້ວ ຈາກໄປແລ້ວແສນຣະກຳ
ປ່ອຍລູກຕາດຳໆ ໃຫ້ພໍ່ຮັບກັມລ້ຽງລູກດຽວດາຍ
2) ສຽງລູກອອດອ້ອນ ວອນແອ່ວກິນນົມ
ແສນຣະທົມໃຈໜັກໜາ ພໍ່ເຝົ້າອົດສາຫານົມດັ່ງໝາຍ
ບ້ານດົງແດນປ່າ ພໍ່ຊອກຊອນຫານົມໃຫ້
ນໍ້າຕາພໍ່ຫຼັ່ງໄຫຼນອງ ເມື່ອໄດ້ມອງລູກນ້ອຍຫິວນົມ
• ສາຍລົມ ຍັງຫວນຄືນມາ
ເມັຽຮັກຂອງຂ້າ ບໍ່ມາຕາມສາຍລົມ
ແສນທໍຣະມານ ວິນຍານເມັຽຂ້າຄົງຕຣົມ
ໂອ້ພຣະພົມ ເຫັນໃຈຕົວຂ້າເຖີດໜາ
3) ນໍ້າຕາລູກນ້ອຍ ຫຼັ່ງລົງທຸກຢົດ
ເໝືອນນໍ້າກົດລາດຫົດຫົວໃຈ ພໍ່ສູ້ທົນໄປດ້ວຍໃຈເມດຕາ
ແມ່ນເຈົ້າບໍ່ມີ ພໍ່ນີ້ຄົງໜີເຂົ້າປ່າ
ຝາກຕົວກັບສາສນາ ເຂົ້າເພິ່ງພາຣົດພຣະທັມ…
ເນື້ອຮ້ອງ & ທຳນອງ : ພ. ເພັດຄັນທະ (~1970)
ນັກຮ້ອງຕົ້ນສະບັບ : ພ. ເພັດຄັນທະ
1) ຄົນເຂົາຊ່າ ວ່ານ້ອງເປັນແມ່ຮ້າງ
ຍິ່ງຟັງຍິ່ງສົງສານນາງ ແມ່ຮ້າງເອີຍຢ່ານ້ອຍໃຈ
ຢ່າຄໍ່າຄວນ ຫຼືໂຫຍຫວນຮ້ອງໄຫ້
ເຖິງຜົວເຈົ້າປະລະໄປ ຢ່າເສັຽໃຈຫາໃໝ່ຍັງມີ
2) ອ້າຍຍັງຢູ່ ຮູ້ແກ່ໃຈເຖີດນ້ອງ
ອ້າຍເອງຈະຂໍປະຄອງ ລູກສອງອ້າຍກໍຍິນດີ
ຈະລ້ຽງດູ ແລະອຸ້ມຊູເຕັມທີ່
ຈະເປັນພໍ່ໃໝ່ທີ່ດີ ຈະເປັນສາມີທີ່ດີຂອງເມັຽ
• ເຊັດນໍ້າຕາ ເຖີດໜາຢ່າມົວຮ້ອງໄຫ້
ນັບຕັ້ງແຕ່ນີ້ຕໍ່ໄປ ອ້າຍຈະບໍ່ປະໃຫ້ນ້ອງອ່ອນເພັຽ
ຈະຊ່ວຍລ້ຽງລູກ ປູກຝັງຜັກມັນຄວັດເຂັ່ຽ
ຈະຫາລ້ຽງລູກແລະເມັຽ ບໍ່ເສັຽດາຍແມ່ນແຕ່ຊີວາ
3) ເຖິງເຂົາຊ່າ ວ່າເຈົ້າເປັນແມ່ຮ້າງ
ກະຊ່າງເຖີດໜານ້ອງນາງ ແມ່ຮ້າງກະຊ່າງເຖີດໜາ
ຢ່ານ້ອຍໃຈ ເຖິງຜູ່ໃດເຂົາວ່າ
ແມ່ຮ້າງໝົດສິ້ນຣາຄາ ນັກຮ້ອງບ້ານນາຄົນນີ້ເຫັນໃຈ…
ເນື້ອຮ້ອງ & ທຳນອງ : ຄຳແພງ ຈຸນລະມະນີ (~1970)
ນັກຮ້ອງຕົ້ນສະບັບ : ຄຳແພງ ຈຸນລະມະນີ
1) ໂອ້…ເມືອງ ວຽງຈັນ
ງາມດັ່ງວິມານ ເບື້ອງບົນນະພາ
ໃຜໄດ້ມາເຫັນ ກໍເປັນບຸນຕາ
ສົມປຣາຖນາ ຕັ້ງໃຈ
2) ເມື່ອຍາມ ຣາຕຣີ
ທຸກແຫ່ງກໍມີ ແຕ່ສີແສງໄຟ
ສົມເປັນເມືອງຫຼວງ ທີ່ງາມວິໄລ
ບໍ່ມີແຫ່ງໃດ ປຽບທັນ
• ງາມແທ້ນໍ ວຽງຈັນເຈົ້ານີ້
ທຸກຢ່າງມີ ແຕ່ຄວາມສຸກສັນ
ເຖິງຍາມແລງ ລົງລອຍອາບນໍ້າຂອງກັນ
ແສນສຸກແທ້ນໍວຽງຈັນ ດັ່ງວິມານສວັນແທ້ນີ້
3) ເມື່ອຍາມ ຈາກໄປ
ໄດ້ແຕ່ອາລັຍ ຫາວຽງທຸກທີ
ເຄີຍໄດ້ສຸກສັນ ທຸກວັນທຸກປີ
ແຕ່ມາບັດນີ້ ຈາກໄກ…
