ມິຄວາມຮູ້ ແຕ່ຖ້າຂາດຈິນຕະນາການ ກໍໄຮ້ຄຸນຄ່າ…
ເນື້ອຮ້ອງ & ທຳນອງ : ..?.. (~1970)
ນັກຮ້ອງຕົ້ນສະບັບ : ..?..
1) ຄິດ ສັງຫອນໃນໃຈ
ວ່າໃນວັນນຶ່ງ ອ້າຍຄົງ ລືມຮັກນ້ອງ
ແລ້ວວັນນັ້ນ ກໍມາສນອງ
ໃຫ້ອ້າຍລືມນ້ອງ ໄປຈ້ອຍອີ່ຫຼີ…
2) ວັນຊື່ນ ຄືນສຸກ
ທີ່ເຄີຍສນຸກ ເຫຼືອແຕ່ທຸລີ
ຢາກຈະຕາມຫາ ຢາກກັ້ນຂອບຟ້າ ຜ່າປະຖະພີ
ຊອກຫາຄົນດີ ດ້ວຍຈິດຍັງຕິດພັນ…
3) ເຖິງ ຂ້າມນໍ້າລອຍໄຟ
ຂ້າມພັຍພົງປ່າ ຜາບັງທິດທາງນັ້ນ
ຂໍໄປພົບ ເຖິງທໍຣະມານ
ໃຫ້ສິ້ນລົມປຣານ ຕໍ່ໜ້າທີ່ຮັກ…
ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1966)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ
1) ຝົນຕົກຢູ່ທາງ ພາກເໜືອ
ນໍ້າຕ້ອງຫຼັ່ງເຫຼືອ ທາງໃຕ້
ຢ້ານຖ້ວມບ້ານເຮືອນ ຖ້ວມນາຖ້ວມໄຮ່
ນໍ້າຂຶ້ນປີໃດ ອຸກໃຈທຸກປີ
2) ບ້ານຢູ່ແຄມຂອງ ໝອງໃຈ
ເຫັນນໍ້າຂຶ້ນຫຼາຍ ປີນີ້
ຢ້ານໄຮ່ຢ້ານນາ ລຸງປ້ານ້ອງພີ່
ລອຍລ່ອງນະທີ ເໝືອນປີກ່ອນມາ
• ຢ້ານຈະບໍ່ມີເຂົ້າກິນ ຢ້ານດິນບໍ່ມີຈະຢູ່
ໂປຣດຈົ່ງເອັນດູ ດ້ວຍເທພທາຣາ
ຂໍວອນເທພເຈົ້າ ຍົກເຄົ້າອົງນາຄາ
ຢ່າໃຫ້ທາຣາ ຂຶ້ນຈົນລົ້ນຝັ່ງ
3) ຂອງຍາກໝາກແພງ ເຫຼືອເກີນ
ແຖມຄ່າຂອງເງິນ ບໍ່ຢືນຢັ້ງ
ແມ່ນຫາກນໍ້ານອງ ລົ້ນຄອງລົ້ນຝັ່ງ
ຄົງສິ້ນຊີວັງ ຍ້ອນວັງນໍ້າວົນ…
ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1983)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ
1) ເກົ່າ ມັນເປັນຂີ້ໝ້ຽງ
ສຸ້ມສຽງ ບໍ່ເສາະບໍ່ໃສ
ຮ້ອງເພງ ກໍຮ່າວຮ້ອງໄປ
ຕາມໃຈ ຜູ່ຂໍຟັງມາ
2) ຢ່າ ວ່າຮ້ອງບໍ່ມ່ວນ
ຢ່າເວົ້າຂວັນ ຕິສິນນິນທາ
ສິລປິນ ບໍ່ມີຄຣູບໍ່ມີບາ
ຜ່ານມາ ນັ້ນພອນສວັນບັນດານ
• ຮູ້ ກັນຢູ່ແລ້ວ
ຮອດເຊື້ອແນວ ແຖວເຜົ່າພົງພັນ
ເຄີຍຢູ່ ຄຽງຄູ່ວົງການ
ແຕ່ດົນນານ ປົກກະຕິວິສັຍ
3) ຂອບ ຂອບໃຈຊະກ່ອນ
ທີ່ຊ່ວຍປ້ອນ ຊ່ວຍປ່ອນກຳລັງໃຈ
ກຸສົນແຮງ ແບ່ງປັນຫານໃຫ້
ສິນນໍ້າໃຈ ໄມຕຣີຊິບໍ່ລືມ…
ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1967)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ
1) ໝ໋ວຍ ເອີຍໝ໋ວຍ
ພໍ່ລວຍ ເຖິງເປັນອາເສັ່ຽ
ຊື່ນໃຈ ໄດ້ຍິ້ມໜ້າເຈັຽະ
ຊຶມໆເຊັ້ຽໆ ຊຶ້ງໆໃນໃຈ
2) ບອກ ແລ້ວວ່າ
ອ້າຍມາ ມອບຫົວໃຈໃຫ້
ຢ່າປ່ອຍ ໃຫ້ຊໍ້າໃຈຕາຍ
ຮັກໝ໋ວຍຫຼາຍໆ ບໍ່ໄດ້ຫຼອກລວງ
• ລາວຈີນ ກໍຮັກກັນໄດ້
ເຣື່ອງຂອງຫົວໃຈ ຜູ່ໃດຈະຂວາງ
ທຸກດີ ມີຈົນຢ່າຫ່ວງ
ອາຍອຸ່ນໜຸນຊວງ ບໍ່ລວງຫຼອກກັນ
3) ອ້າຍ ຮັກໝ໋ວຍ
ງົວຄວາຍ ອ້າຍມີເຕັມບ້ານ
ຫາກມີ ໝ໋ວຍເປັນມິ່ງຂວັນ
ເໝືອນຢູ່ສວັນ ວິມານເມືອງແມນ…
ເນື້ອຮ້ອງ & ທຳນອງ : ..?..
ນັກຮ້ອງຕົ້ນສະບັບ : ສີເມືອງ (~1970)
1) ສຸຣິຍາ… ນ້ອງມີຄຸນໜາເໜືອສິ່ງໃດ
ຄອງໂລກນີ້ ໃຫ້ແຈ່ມໃສ
ຄຽງຄູ່ກັບໄຟ ໃຫ້ຄວາມຮ້ອນເຮົາ
2) ສຸຣິຍາ… ໜາວສັ່ນໜັກໜາຊ່ວຍບັນເທົາ
ຂາດເຈົ້າແລ້ວ ຂ້າຄົງອັບເສົາ
ຂ້າຈຶ່ງວອນເຈົ້າ ດ້ວຍສຽງຄວນຄາງ
• ໂອ ໂອ້ ສຸຣິຍາ… ຂໍຈົ່ງເມດຕາອ້າຍແດ່ນ້ອງນາງ
ຢ່າໃຫ້ຮັກນັ້ນ ຕ້ອງຈືດຈາງ
ໂດດດ່ຽວອ້າງຫວ້າງ ດັ່ງໂລກນີ້ສິ້ນສຸຣິຍາ…
3) ສຸຣິຍາ… ນັ້ນຄຽງຄູ່ຟ້າທຸກເວລາ
ອ້າຍທູນນ້ອງ ຊົ່ວຊີວາ
ຕາບດິນແລະຟ້າ ຮັກບໍ່ສລາຍ…
ເນື້ອຮ້ອງ & ທຳນອງ : ..?..
ນັກຮ້ອງຕົ້ນສະບັບ : ເພັດສມອນ (~1970)
1) ສຽງຟ້າຣະງົມເໝືອນສຽງລົມປາກ ຟ້າຝາກເຖິງດິນ
ສິ້ນຄວາມຖວິນ ຮັກດິນເປັນຜູ່ຄຽງຄອງ
ຟ້າສູງດິນຕໍ່າເກີນໄປ ຟ້າຈຶ່ງຕັດໃຈຮັກລອຍລ່ອງ
ປ່ອຍໃຫ້ດິນໝອງ ຣະທົມ
2) ຫຼືຟ້າມີໃຈຮັກໃຜຊາຍອື່ນ ຟ້າຄືນຮັກເດີມ
ຟ້າຢ່າເພີ່ມເຕີມ ເມື່ອດິນຊໍ້າຕື່ມຂື່ນຂົມ
ຟ້າເຫັນດິນປວດອຸຣາ ແລ້ວຍັງຕັ້ງຕາໝາຍຖະຫຼົ່ມ
ສາບແສ່ງທັບຖົມ ແກ້ງດິນ
• ຝົນຫຼັ່ງສັ່ງດິນ ເໝືອນສິ້ນນໍ້າໃຈ
ຟ້າຕັດອາລັຍ ແຫ່ງສາຍນໍ້າໃຈຮັກສິ້ນ
ຟ້າຄວນຄາງ ເໝືອນດັ່ງແກ້ງສາບແຊ່ງດິນ
ຖອດຄວາມຮັກໂບຍບິນ ດິນເອີຍດິນຢ່າງຂ້າໂສກສັນ
3) ຝົນສິ້ນລືມລານໍ້າຕາດິນຫຼັ່ງ ສຸດທາງຂັດຂືນ
ໄດ້ແຕ່ທົນຝືນ ເພາະດິນນ້ອຍຄ່າປຣະມານ
ຟ້າເອີຍເຄີຍເອີ່ຍຄຳຄົມ ຟ້າຈະຢຸດຊົມດິນນັ້ນ
ແຕ່ຟ້າກັບຫັນ ຖິ້ມດິນ…
ເນື້ອຮ້ອງ & ທຳນອງ : ..?..
ນັກຮ້ອງຕົ້ນສະບັບ : ວົງດົນຕຣີ ດົງໂດກ ໄພວັນ (~1970)
1) ລືມອ້າຍເສັຽເຖີດ ຍອດຍິງ
ເມື່ອນ້ອງແອບອິງ ໄປມີຮັກໃໝ່
ເຖິງອ້າຍຈະຕຣົມ ຣະທົມພຽງໃດ
ອ້າຍຈະຫ້າມໃຈ ເພື່ອນ້ອງຄົນດຽວ
2) ລືມອ້າຍເສັຽເຖິດ ຍອດຮັກ
ເຖິງອ້າຍອົກຫັກ ຣຶທັຍແສນປ່ຽວ
ຂາດຍິງເມດຕາ ສົງສານຢ່າກ່ຽວ
ໂປຣດຢ່າແລຫຼຽວ ປ່ອຍອ້າຍໃຫ້ຕຣົມ
• ເຖິງແມ່ນຈະມີ ຍິງງາມເໝືອນແຕ່ງ
ອ້າຍຈະບໍ່ສແວງ ຄອງໄວ້ເຊີຍຊົມ
ຄວາມຮັກຊ່າງທຳ ໃຫ້ຂ້າຣະທົມ
ຫຼືວ່າອິນພຣົມ ລົງໂທດຂົມຂື່ນ
3) ລືມອ້າຍເສັຽເຖິດ ນ້ອງນາງ
ເມື່ອຮັກຈືດຈາງ ເປັນຂອງຄົນອື່ນ
ຈົ່ງຄອງຄວາມຮັກ ດ້ວຍຄວາມສົດຊື່ນ
ອ້າຍຈະທົນຝືນ ຍິ້ມໃຫ້ແກ່ນາງ…
ເນື້ອຮ້ອງ & ທຳນອງ : ໄຊພອນ ສິນທະຣາດ (1969)
ນັກຮ້ອງຕົ້ນສະບັບ : ໄຊພອນ ສິນທະຣາດ
1) ຢ່າລືມຟັງສຽງ ເພງອ້າຍຮ້ອງສັ່ງ
ກ່ອນຈາກນວນນາງ ອ້າຍຍັງໄດ້ໃຫ້ສັນຍາ
ວ່າຈະຮັກນາງ ຮັກດຽວຕລອດຊີວາ
ຫາກຜູ່ໃດລືມລາ ຟ້ານັ້ນຊ່ວຍລົງໂທດໃຫ້
2) ຢ່າລືມຟັງສຽງ ເພງອ້າຍຮ້ອງສົ່ງ
ປານນີ້ນ້ອງຄົງ ພະວົງຫາອ້າຍບໍ່ວາຍ
ນ້ອງຢ່ານ້ອຍໃຈ ວ່າອ້າຍນີ້ຈະລືມໄລ
ຂໍຈົ່ງໝັ້ນໃນໃຈ ວ່າຊາຍຮັກແທ້ແນ່ນອນ
• ນ້ອງນາງ ຈະເໝືອນຕົວອ້າຍບໍ່ນໍ
ຫຼືມີຄູ່ຮ່ວມຫໍ ພະນໍຈາກອ້າຍໄປກ່ອນ
ນ້ອງຢ່າໄດ້ລືມ ສັນຍາເລີຍນະງາມງອນ
ທີ່ໝາຍເປັນຄູ່ຄຽງໝອນ ຮ່ວມບັງອອນຕລອດຊີວາ
3) ຢ່າລືມຟັງສຽງ ເພງອ້າຍເສັຽກ່ອນ
ກ່ອນຈະເຂົ້ານອນ ຮ້ອງວອນມາກ່ອມນິທຣາ
ຂໍໃຫ້ນ້ອງນອນ ຝັນດີເຖີດໜາແກ້ວຕາ
ຂໍຢ່າລືມລາ ສັນຍາສອງເຮົາເດີນາງ…
ເນື້ອຮ້ອງ & ທຳນອງ : ເພັດສມອນ (~1970)
ນັກຮ້ອງຕົ້ນສະບັບ : ຊຳນານ ຈົງຮັກ
1) ຄືນນີ້ບໍ່ເໝືອນ ຄືນທີ່ຜ່ານມາ
ໂອ້ດວງຊີວາ ຂວັນຕານ້ອງຢູ່ແຫ່ງໃດ
ຫຼືນ້ອງມົວເມົາ ເວົ້າລົມກັບໃຜ
ນ້ອງຈຶ່ງລືມໄປ ຄຳໃຫ້ສາບານ
2) ຄືນນີ້ມີເດືອນ ເໝືອນຄືນຜ່ານມາ
ໂອ້ດວງແກ້ວຕາ ນ້ອງມາລາຫ່າງໄກກັນ
ຫຼືນ້ອງມົວນອນ ຂ້ອນຄືນຫຼັບຝັນ
ນ້ອງຈຶ່ງລືມວັນ ຄຳໝັ້ນສັນຍາ
• ອ້າຍຄອຍ ອ້າຍຄອຍຈົນເດືອນຄ້ອຍຕໍ່າ
ຈົນຟ້າແດງກໍ່າ ຈົນເຖິງເດືອນຕໍ່າລັບຕາ
ຍັງບໍ່ເຫັນນ້ອງ ນັ້ນມາເອີ່ຍວາຈາ
ຫຼືລືມສັນຍາ ເຮົາແລ້ວຫຼືໃດ
4) ຄືນນີ້ບໍ່ເໝືອນ ຄືນທີ່ຜ່ານມາ
ໂອ້ສຸດບູຊາ ນ້ອງມາລາຫ່າງອ້າຍໄປ
ຫຼືນ້ອງນັ່ງລົມ ຜູ່ໃດຢູ່ໃສ
ນ້ອງຈຶ່ງປ່ຽນໄປ ລືມອ້າຍລົງຄໍ…
ເນື້ອຮ້ອງ & ທຳນອງ : ສ. ແສງສິຣິວັນ (≲1975)
ນັກຮ້ອງຕົ້ນສະບັບ : ເພັດສມອນ
1) ລືມກັນ ລືມກັນ ລືມກັນເສັຽເຖີດຄົນດີ
ນັບແຕ່ວັນນີ້ ຢ່າມີໄມຕຣີຕໍ່ກັນ
ຕັດສວາດ ຂາດຄວາມສັມພັນ
ສິ່ງເກົ່າໆຈົ່ງລືມມັນ ເລີກກ່ຽວພັນກັນເທາະເຮົາ
2) ເມື່ອນ້ອງມີ ທີ່ຮັກອື່ນຊື່ນສຸກສັນ
ເມື່ອແບ່ງປັນ ຫົວໃຈໃຫ້ຊາຍອື່ນເຂົາ
ອ້າຍກໍຕ້ອງຈຳ ທົນຣະກັມທົນຫງອຍເຫງົາ
ຫັກຫ້າມຈິດຄິດເຖິງເຈົ້າ ແຕ່ນີ້ຕໍ່ໄປ…
3) ຊັງກັນ ຊັງກັນ ຊັງກັນເສັຽເຖີດຄົນດີ
ຮັກຢູ່ຢ່າງນີ້ ຄົງມີແຕ່ຄວາມອັບອາຍ
ເບື່ອແສນເບື່ອ ຜູ່ຍິງຫຼາຍໃຈ
ແອບມີຄູ່ຢູ່ເລື້ອຍໄປ ມັກປ່ຽນຊາຍຫຼາຍໆຄົນ
4) ປ່ຽນຜູ່ຊາຍ ຄ້າຍກັບປ່ຽນເສື້ອຫຼາກສີ
ໂອ້ ເທວີ ນ້ອງຄົງຈະເພີນສຸກລົ້ນ
ເຫັນຢູ່ເຕັມຕາ ຈົນລະອາໃຈສຸດທົນ
ຈຶ່ງຕ້ອງຈາກພາກໄກພົ້ນ ກວ່າຊີບມະລາຍ…
