ເນື້ອຮ້ອງ & ທຳນອງ : ພົມມະ ພິມມະສອນ (1969)
ນັກຮ້ອງຕົ້ນສະບັບ : ໄຊຊະນະ ທານະດາບຸດ
- ເມກໝອກບັງຟ້າ ນະພາມືດມົວ
ທ້ອງຟ້າສລົວ ໃຈຂ້າມົວດັ່ງຟ້າ
ນໍ້າຝົນໄຫຼຫຼັ່ງ ອັ່ງເອີ່ລົ້ນທາຣາ
ດັ່ງເຊັ່ນນໍ້າຕາ ຫຼັ່ງມາຈາກຫົວໃຈ - ໄຮ້ເພື່ອນຊີວິດ ຊິດຄຽງອຸຣາ
ນ້ອຍວາສນາ ໂຊກຊາຕາຂີດໄວ້
ຊູ້ເມີນໜີໜ້າ ສຸດກູ່ຫາຟ້າໄກ
ບາບເວນຫົນໃດ ທຳໄວ້ຕາມສນອງ - ແສນເສົ້າໃຈໜັກ ຮັກເອີຍເຄີຍຊື່ນໃຈ
ກັບມາສລາຍໄປ ຫົວໃຈຈຶ່ງໝົ່ນໝອງ
ຄົງເຫຼືອພຽງພິມ ພາບຮຽງຄຽງຄອງ
ເກາະກິນໃຈໝອງ ຣະທົມທຸກນາທີ - ຄິດຢາກຈະຕາຍ ເສັຽໃຫ້ພົ້ນກັມ
ໜີເວັ້ນຄວາມຊໍ້າ ພົ້ນເວນກັມທີ່ມີ
ແສນທົນທຸກຍິ່ງ ຂາດຍອດຍິງປຣານີ
ຢາກຕາຍເຫຼືອດີ ຢາກໜີຈາກໂລກາ…
